هيام وراكان

الانسان بطبعه ما يقدر يعيش بروحه بدون شريك يشاركه حياته ويونسه ويكمله ... الانسان نص لما يلقى شريكه يكتمل ... لكن هل بهالسهولة نقدر نلاقي الشريك المناسب هل ممكن نغمض عيوننا ونفتحها ونلقى الشريك المناسب ؟؟... ولا علينا ننعاني وايد عشان نوصل للي نبيه ......
اليوم حبيت اطرح لكم قصه تروي في طياتها معاناة قلبين واشلون قدروا يواجهون المعاناة اللي عاشوها في سبيل حبهم ^_^.... وطبعا هاذي اول قصة لي فاتمنى انها تنال اعجابكم ...




أبطال القصة :
هيام : 20 سنه طالبه في السنه الثانية تدرس في جامعة ببريطانيا .. أهلها على قد حالهم .. ذكية وايد وقدرت تاخذ منحة بفضل ذكائها ومجهودها ..
طويله شوي سمره سمار خفيف رموشها كثيفه وعيونها بنيه شعرها طويل وأسود قاصته مدرج جمالها بسيط جدا لكن روحها تجملها بزيادة وتعكس شفافية قلبها .. طيوبه تحب الكل واي انسان يعرفها يحبها على طول .. وان شاء الله راح نتعرف على شخصيتها اكثر من خلال القصة..

شوق : 20رفيجة هيام الروح بالروح معاها من صف ثالث اعدادي .. فيها جمال ساحر طيوبه ومتواضعه شعرها تحت الرقبة بني مسويته باف ^_* عيونها ماينعرف لونهم من كثر ماتحط عدسات ^^" .. تحب هيام اكثر من نفسها وتفديها بعمرها ...

سارة : 21 سنه صديقة هيام وشوق تعرفت عليهم بالجامعه وحبتهم وصارت رفيجتهم .. تحب الرسم ذوقها راقي في الفن بشكل عام .. قصيرة شوي شعرها اشقر و عيونها خضره لانه امها بريطانيه ..


راكان : 22 سنه طالب بالسنة الثانيه متأخر شوي عن بقية زملائه لانه غير مهتم بالدراسه ومايعطيها اولويه ..
من أسرة معروفة وغنيه جدا .. يحصل الشي اللي يبيه بسهولة وبدون تعب لكن بعد يحس بالنقص.. وسيم بزوود وكل بنات الجامعه منهبلين عليه طويل عيونه عسلية ورموشه كثيفه وخشمه سيف معضل وسبورتي ^_*


خالد : 21 سنه رفيج راكان من ايام الطفولة يعتبره راكان اخووه وملجأ له لما يكون متضايق وكل أسراره عنده .. من أسرة غنيه أابوه رفيج أبو راكان ..
طويل وسبورتي يحب نفس النشاطات اللي يحبها راكان .. عيونه سوداء وطفوليه شكله جذاب وله هيبة بين اهله واصدقائه...


محمد : رفيج راكان وخالد ودووم معاهم .. مملوح طويل شووي يحب ركوب الخيل ... على قد حاله بس مايحب يبين لربعه ويحب دووم ينفاخر بنفسه..

مشعل : 21 سنه من عيلة معروفه شاب متهور ومدلل كل اللي يتمناه يصير عنده يعتقد انه الدنيا كلها ملكه رفيج راكان ومن شلته.. ودوم في منافسة بينه وبين راكان .. يكن له العداوة في قلبه ويغار لانه البنات يحبونه ..
وسيم بشكل ينافس راكان >>>> لكن مايوصل لجماله ^_* ... عيونه سوداء وكبيرة شعره طويل شوي له هيبة بين الكل يخافون منه لانه لو حط حد في باله مايسلم منه ...

وبقية الابطال ان شاء الله بتتعرفون عليهم في القصه ....


البارت الأول ..

شووق تدق عالباب بقوو وتصارخ: قووووووووومي هيام يلا قوووووووومي بنتأخر .
هيام : بس شووي عاد شوق حبيبتي بس شووي
شوق : مافي يلا بنتأخر قومي بسرعه وغسلي ويهج وتسبحي
هيام : زين ان شاء الله عمتي
سارة : افففف شهالازعاج عالصبح .. أصبحنا ..
شوق : والله شوفي اللي داخل لي ساعه اقوم فيها ذبحتني ..حشه فيل نايم داخل موب انسان
سارة: هههه وانتوا كل يوم على هالحال
شوق : اااااخ بس شسوي بعد
هيام : سوي عيش ولحم
شوق تخرعت : بسم الله انتي من وين نطيتي ..
هيام : هههه
شوق : بايخه
هيام : افااا ، زعلت
شوق : احلفي بس
هيام وهي ميتة ضحك: والله
سارة : اقول اخلصوا انتوا الاثنين يلا خلونا نفطر
وبعد مافطروا ،،،،،
شوق : افف شوفي كم الساعه يلا بنتأخر على المحاضرة الاولى
سارة + هيام : يلا

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ

وفي الجامعه وبعد رجعتهم من العطلة:

خالد : اوووه هلا والله بوو جسووم
محمد : اهلين .. اشلوونكم والله لكم وحشه
راكان : وانت اكثر
خالد : ها شلون الاجازة واشلون الاهل عساهم بخير
محمد : والله طيبين
راكان : والوالدة عساها صارت زينه
محمد : الحمدلله ابوي حجز لها جناح في مستشفى خاص والدكاتره شافوها وقالوا صارت زينه والحمدلله >>>> من أولها.......( ترى لاتحسبون البنات بس اللي يحبون يتفاخرون بنفسهم ترى حتى الشباب ويمكن هم اكثر من البنات بعد^^")
راكان : الحمدلله على سلامتها
محمد: الله يسلمك .. وانتوا اشلون اهلكم
خالد + راكان : طيبين والله

وقعدوا يسولفون لين مايه وقت المحاضرة ودخلوا الكلاس ..
وفي الكلا س...
راكان : لحظه شباب شكلي نسيت جوالي بالسيارة بروح اييبه
محمد : ليش خليه عقب يبه
مشعل يتكلم باستهزاء: شلون يخليه ويبعد عن حبايبه عاد >>>> يقصد البنات اللي يكلمهم
راكان مااهتم وقام عشان يروح سيارته

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ

وعند البنات ...

سارة : بنات شكلنا تأخرنا
شوق : لا وين توه الكلاس بادي
هيام : يلا عيل خلينا ندش
ودشت هيام قبلهم

واول مادخلت الكلاس كانت المفاجأة دعمت بحد كان طالع عند الباب وكانت منزلة يدها ولابسه اساور واول مادعمت فيه علقت اساورها بطرف بنطلونه ..
هيام تفشلت وحاولت بسرعه تير يدها ..
اما راكان وقف مكانه منصدم وماعرف شيسوي وهو متفشل لانه ربعه يطالعونه ويضحكون..
في الاخير هيام يرت يدها وقدرت تفكها من طرف بنطلونه ورفعت راسها بسرعه بتكمل طريقها
ورراكان رفع رأسه ..... والتقت عيونهم ببعض .. كانت لحظه صمت راكان سرح في عيونها وهي سرحت في عيونه...
بعد شوي يرتها شوق من يدها وهيام بسرعه مشت لكرسيها وهي تفكر بالي صار ..
اما راكان استغرب اللي صار وقعد يتسأل ليش سرح بعيونها بس كل اللي عرفه انه حس بشي غريب شي كان يدور عليه ولقاه عند هالعيون .. بس راكان شالها من تفكيره وكمل طريقه ..

طبعا راكان وهيام هاذي اول سنه لهم مع بعض في كلاس واحد بس مو اول مرة تشوفه كانت تشوفه من قبل بس من بعيد وكل اللي تعرفه عنه ان سمعته مو زينه مع البنات وانه صبي خطير .. وشوق دايما كانت تحذرها منه..

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ

عند الشباب ،، ميتين ضحك على شكل راكان ...

ومشعل استغل الوضع ومسكها طنازة فيه ....
مشعل : شفيه راكان مبلم جنه اول مرة يشوف وحده في حياته
الشباب ضحك × ضحك
مشعل : شفتوها اشلون تعلقت فيه شكلها استانست عالوضع هههههههه
خالد : تضايق وايد من طنازة مشعل لانه مايرضى على راكان
خالد : شكلك اسانست وايد .. بعد مسكين ماعندك بنات يتعلقون فيك قلت اطالع غيري احسن
مشعل عصب : نعم لا يبه انا عندي اللي يكفوني بس الدور والباقي على الي مالقوا الا الحمص يتعلقون فيها>>> حمص هاي كان لقب هيام وهاي لانها كانت ذكيه وايد فواحد من الشلة لقبها بهاللقب لانه يذكره بايام اعدادي
خالد عصب اكثر : مشعل احترم حالك احسن لك لاتشوف شي ماشفته وانت تعرف عدل انا من ..
مشعل : نعم انت تهددني ياولد *****
محمد : مشعل خالد اشفيكم استهدوا بالله ماصارت ذي انتوا اخوان مايجوز هالكلام عيب بعدين استحوا احنا في الكلاس والكل قاعد يطالعنا
خالد + مشعل تفشلوا وقعدوا مكانهم واهم ساكتين ومعصبين
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
سارة : ووي اشفيهم هاذول شكلهم يتهاوشون
شوق : هههههه شوفي اشكالهم تضحك شوفي هاذا خالد اشلون معصب
سارة : بس شكله حلوو واهو معصب
هيام ماكانت معاهم كانت سرحانه بالي خذه كل فكرها
شوق قعدت تناديها لكن لاحياة لمن تنادي
اخر شي هيام شوي انتبهت لها
هيام : هلا تبين شي
شوق : هلا لاوالله صباح الخير من متى وانا اناديج
هيام : سوري ماكنت منتبهه
سارة : بشنو سرحانه هااا اعترفي براكان صح ؟؟
هيام : نعم لا لا ووععععع شبي فيه اصلا مايهمني وايد بس انا انحرجت شوي من الموقف اللي صار
شوق : لاتحطين ببالج محد مهتم وحتى لو كانوا مهتمين كلها يومين وينسون اللي صار
هيام : عقولتج ..


وبعدين رجع راكان الكلاس وبده الاستاذ يشرح والكل اندمج في المحاضرة
الا اثنين طبعا .....



بعد نهايه المحاضرات راحوا الكافتيريا وقعدوا البنات مع بعض يسولفوون ومندمجين عالاخر ..

والشباب كانوا قاعدين بالصوب الثاني ويسولف كل واحد للثاني بس طبعا كان في حده بينهم عشان السالفه اللي صارت الصبح ..
ومشعل طبعا كان للحين متضايق فقرر يحر راكان وخالد شوي ...

مشعل : اووه راكان شكلك اليوم طاحت عليك حورية
راكان بدهشه : أي حوريه ؟؟؟؟؟؟
مشعل : حورية البنطلون هههههه
راكان عفس ويهه : أي حورية الله يهداك عبالي الحين عندك سالفة
مشعل : ليش وهاي مب سالفة اشفيها قمر وطاحت عليك قمــــر
راكان : انت من صجك أي قمر يبه اذا ماتشوف عدل سوي لك نظارات
محمد : شكله شارب شي اليوم
راكان : شارب ديتول
محمد : خخخخخ
وخالد طبعا كان ساكت وعاض على اسنانه وللحين معصب من مشعل
وكان ينطر يكون هو وراكان بروحهم عشان يقوله على اللي صار
مشعل : انتوا اشفيكم انا من صجي اتكلم
محمد + راكان منصدمين الا خالد اللي حاسس انه وراه شي
مشعل : لاتطالعوني جي من صجي اتكلم هالبنت صج حلوة بس انت شكلك راكان ماتقدر عليها عشان جي مقلل من قدرها قدامنا
راكان : وليش ان شاء الله مااقدر عليها
مشعل : يعني هالبنت غير مو من نوعية البنات اللي نعرفهم بالعاده يعني ذكية وشكلها مو مالت هالسوالف ومو بهالسهولة تقدر تطيحها ..
راكان : من قالك مااقدر هم يومين وتصير مثل الخاتم في اصبعي
مشعل : صدقتك
راكان : جنك تتحداني
مشعل : وانت قد التحدي
راكان : قده وقدود
مشعل : اوكي عيل بعد شهر عيد ميلادي وبسوي حفلة كبيرة للحبايب اذا قدرت تييبها للحفلة وخليتها تقول احبك قدام الكل لك اللي تبيه
راكان ابتسم بخبث : اللي ابيه ؟؟
مشعل : اللي تبيه
راكان (طبعا استانس لانه هاي الفرصه اللي كان يبيها من زمان عشان يطيح مشعل ..وهو كان حاط في باله انه هيام شكلها سهلة واكيد بيقدر عليها )
مشعل (كان مبتسم بقلبه ابتسامة انتصارعلى اللي سواه لانه عرف يلعبها صح .. طبعا مشعل ذكي بطريقة خبيثه لانه انتبه اليوم في الكلاس انه هيام وراكان انجذبوا لبعض فقرر انه يخليهم يحبون بعض ويفضح راكان قدام الكل ويقول انه يحب وحده فقيرة بس طبعا هاي كانت مجازفه منه لانه في احتمال كبير يخسر لكن مشعل بطبعه متهور واللي يبيه دوم يصير )

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــ

هيام : شوق تعالي انتي راكان هذا مايذكرج بشي
شوق : اففف ردينا لسالفته
هيام : لا والله مو على شي بس تذكرين ايام اعدادي يوم كنا نسولف عن فارس احلامنا
شوق : اييي اذكر والله كانت ايام هههههههههه للحين اذكرج انتي وفارس احلامج
سارة مستغربه : انتوا عن شنو تتكلمون أي فارس احلام ؟؟؟؟
هيام تتذكر الي صار ....

( (من ست سنين لما كانت هيام وشوق في ثالث اعدادي ...
هيام تصيح : شوق خلاص بنفترق وانتي بتروحين ثنوي وانا ثنوي غير
شوق : هيام بس لاتقولين جي اكيد بنلتقي مرة ثانيه وبعدين تعالي بس عشان مدرستنا غير مو معناها
نقطع من بعض ..
هيام : اكيد
شوق : شوفي لازم تدقين لي دوم وانا بدق لج دوم كل شي في حياتي لازم تعرفينه وانا لازم اعرف كل شي في حياتج..
هيام بنبرة حزن: اكيد حبيبتي وانا من لي غيرج
شوق حست بحزنها وحبت تخفف عنها : يلا عاد هياموو اكيد بنلتقي بعدين في الجامعه وندرس بره ونكوون مع بعض ونعيش في شقه وحده
هيام : اما
شوق : ولا عيل ناوية تروحين جامعه غير بعد
هيام : لاطبعا بي الجامعه اللي فيها حبيبتي
شوق بخبث : أي بس وقتها ما بكون حبيبتج
هيام بدهشه : اشلون يعني
شوق : يعني وقتها بتلاقين فارس احلامج وتحبينه وتنسين شوقوو
هيام : لا لا شدعوه انا مستحيل انساج بعدين تعالي أي فارس احلام الله يهداج
شوق : فارس احلامج اللي تتمنينه ولا ماعندج
هيام بخجل : اكيد عندي
شوق :وشنو مواصفاته؟؟؟
هيام ويهها شب : لا لا ماله داعي بلا احراج
شوق : افا تخشين علي
هيام : لا لا موجي السالفه بس يعني ماعندي مواصفات مواصفات..
شوق : أي أي علي يلا اعترفي
هيام : بشنو اعترف
شوق : بلا هبل بمواصفات فارس احلامج
هيام : امممم انزين ابيه يكون طويل وابيض عيونه مو مهم لونها المهم تكون جذابة وابيه يكون وسيـــــــم والكل يحسدني عليه
شوق : احم احم
هيام : ههههههه المهم اممممم وابي يكون اسمه راكان
شوق : راكان ليش ؟؟؟
هيام : اسم بطل القصة اللي اقراها
شوق : ههههههههه والله انج خبلة
هيام : والله اشفيج عاجبتني شخصيته احسه هو فارس احلامي
شوق : اما بطل القصه ها ههههههه
هيام : بلا طنازة عاد .. وبخجل : عاجبني
شوق : هههههههه ))


سارة : تسمع فيهم وفجأة انفجرت ضحك : هههههههههههههههههههه
هيام عصبت : اشفيج
سارة : بطل القصه عااااااااد
هيام : وانا اشدراني كنت في اعدادي واي شي اقراه اصدقه
سارة : ولج حق تصدقين اكااا لقيتي فارس احلامج
هيام : افففففف لااااااااااااء أي فارس احلام هاي كان قبل الحين انا مايهمني شي غير دراستي وبعدين هذا الراكان مو مثل ذاك الراكان
شوق : ههههه أي صح
وبعد ماخلصوا سوالف قاموا من طاولتهم عشان يروحون
سارة وشوق راحوا وهيام تمت عشان تدفع الحساب ........ طبعا في حد كان يراقبها من بعيد
واول ماشافها بروحها استغل الفرصه وراح يكلمها ..

راكان : هلا
هيام رفعت راسها بتعرف مصدر الصوت لقته هو شب ويهها : ...
راكان : هلا اختي انا اكلمج
هيام وهي للحين مستحيه من الموقف اللي صار تمت ساكته :... >>>> هيام بطبعها فري مع كل الناس بس في البدايه تكون خجولة شوي >>> اما خجولة شوي قولي مستحيه من القمر اللي قدامها *_^

راكان : اختي لو سمحتي ممكن اكلمج شوي
هيام بصوت واطي : تفضل
راكان : اختي انا حبيت اعتذر عن اللي صار اليوم الصبح بس بصراحة كانت صدفه حلوة اني التقيت فيج
هيام : احم احم >>> تحاول ترجع صوتها بس ماتنلام ههههه
هيام : لا عادي حصل خير
راكان : انزين ممكن تسمحيلي اعوضج واعزمج على عصير
هيام : انا اسفه بس بصراحه انا مطرة اروح لاني مشغولة بس اشكرك على اعتذارك
راكان تضايق شوي بس قال موب مشكله مو من اولها بتطيح : لا اختي هاي الواجب
هيام : انزين عيل استأذن
راكان : اذنج معاج
(هيام راحت واهي تفكر فيه اشلون مأدب وشكله حبوب وايد مو مثل مايقولون عنه
بس طبعا فكرت انها ممكن تكون مجرد تمثيليات منه فما اهتمت وشالته من بالها )
راكان : راكان واقف يطالعها ومبتسم ابتسامة خبث
ومن طاولة مو بعيده وايد كان في واحد يراقبهم وهو مستانس انه خطته بدت وشكلهم بدوا يتأثرون

مشعل راح لراكان بسرعه : ها ابشر
راكان كان سرحان بس بعدين انتبه انه في حد وراه : عال العال قلت لك مايحتاج شهر كلها يومين بس وتطيح
مشعل : بنشوف

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
هيام راحت بسرعه للبنات لانها تأخرت عليهم
شوق : تو الناس وين كنتي فيه
هيام : ها لا ابد بس نسيت اييب شي من الاستاذ
شوق : اها ، اوكي عيل مشينا
هيام +سارة : مشينا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ





اكتمل البارت ....


أتمنى اشوف ردودكم وتفاعلكم *_^